Rejîma Îranê zilmê li sewalên Kurdan jî dike

Pasdarên Îranê bi dehan hesp û dewarên kolberên Rojhilatê Kurdistanê girtin û bo berdana wan jî gelek pare dixwazin.

Çend roj berê pasdarên Îranê li devera Hewraman û li nêzîkî bajarokên Newsud û Nodşe derdora 70 hesp û dewarên kolberan girtin.

Li gorî agahiyan, dema kolber bo wergirtina dewarên xwe çûbûn pasdaran ji wan re gotibûn divê serê her hespekî 6 milyon tûmen bidin paşê hespê xwe bibin.