Îro Şêwirmendê civata ewlekariya Kurdistanê Mesrûr Barzanî pêşwaziya balyozê Amerîkayê yê li Bexdayê Dogulas Silliman û şandeke pê re kir.
Di civînê de ku Konsulusê Amerîkayê yê li Hewlêrê jî têde beşdar bû, pêşhatên dawî yên prosesa siyasiya Îraqê û ava kirina hikûmeta nû ya Kurdistanê hatin nîqaşkirin.
Di civînê de Mesrûr Barzanî behsa serdana Serok Barzanî bo Bexda û Necefê kir û tekez li ser piştgîriya Kurdistanê ya bo Serokwezîrê nû yê Îraqê bo temam kirina destnîşan kirina wezîrên kabîneya nû kir bi taybetî bo wezaretên ewlekarî ku dibe sedema hevkarî û reforman di wan waran de.
Di berdewamiya civînê de tekez li ser hevkariya teknîkî û asayîşî ya di navebra Hewlêr û Bexdayê de bo vegerandina baweriyê weke afirandina derfetek bo çareser kirina kêşeyên heyî.
Her di heman civînê de dubare şandina petrola Kerkûkê bi rêya boriyên Kurdistanê û hilweşandina xalên gumrikî di navbera her du aliyan de bi pêngavên baş hatin wesifkirin û hate gotin ku vê fêdeya wan bo tevahiya aliyan be.
komênte (0)
heta niha komênt nehatiye nivîsandin