Cîhadiyên terorîst vê carê jî dest bi dizîna zeytê kirin

Li Efrînê cîhadî zêdetir ji 1000 teneke zeytê zeytûnan dizîn.

Li gor jêderên taybetî ji Rojavayê Kurdistanê li Efrînê tîmeke cîhadiyên ser bi artêşa Tirkiyeyê bi zorê çek dikevin guvaşgeheke zeytê û 1500 tenekeyên zeytê û 2 milyon Lîreyên Sûrî û telefonên karkerên guvaşgehê didizin.

Jêderên han diyar kirin ku duhî tîmeke cîhadî ku ji 20 kesan pêk hatiye bi çek êrîşî ser guvaşgeha zeytûnan a Şêx Hesen ya li deşta Kitix û hemû karker bi amûreyên guvaşgehê ve girê dan û 1500 tenekeyên zeytê, 2 milyon Lîreyên Sûrî, telefonên karkerên guvaşgehê û kombiyoterekê dizîn.

Jêderên han diyar kirin ku  beşek ji tenekeyên zeytê yên hatine dizîn ber bi navçeya Şiyê ve hatin birin û beşeke din jî ber bi navçeya Raco ve hatin birin û di komgeheke li aliyê Raco de hatin danîn.