Şervanên QSD`ê 20 baregehên çeteyan û erebeyeke bombebarkirî teqandin, her wiha 2 tunelên girêdayî çeteyên DIŞI`ê rûxandin. Di encama şerê şevê din de zêdetirî 10 çeteyên DIŞIê hatin kuştin û şervan ber bi bajarokê El-Şafaa ve bi pêş de diçin.
Şervanên QSD`ê di çarçoveya Şerê Tunekirina Terorê de li hemû eniyan bi pêş de diçin.
Çavkaniyekî leşkerî ji ajansa me ANHA`yê re ragihand ku şevê din di navbera şervanên QSD`ê û çeteyên DIŞIê de li gundê El-Kemşe yê başûrê rojavayê Hecînê şer derket.
Çavkaniyê leşkerî diyar kir ku di encama şerê şevê din de herî kêm 20 baregehên çeteyên DIŞI`ê hatin rûxandin, erebeyeke bombebarkirî hate teqandin, 2 tunel û nuqteyeke taybet a çeka doçka ya çeteyên DIŞI`ê hatin rûxandin.
Li borî çavkaniyê her wiha 10 çeteyên DIŞI`ê hatin kuştin û gelek çek, cebilxane û kel û pelên leşkerî hatin desteserkirin.
Çavkanî teqez kir ku şervanên QSD`ê ber bi bajarokê El-Şafaa ve bi pêş ve diçin.
komênte (0)
heta niha komênt nehatiye nivîsandin