Mesrûr Barzanî li gel şandeke Oldarên Ermenî civiya

Îro Şêwirmendê civata ewlekariya Kurdistanê Mesrûr Barzanî pêşwaziya şandeke Oldarên Ermenî ku ji hijmareke Metranan li cîhanê pêk hatibû kir.

Di civînê de behsa rewşa deverê bi giştî û rewşa penaber û awareyên mesîhî yên deşta Neynewayê bi taybetî hate kirin û tekez li ser vê yekê hate kirin ku lazime bi hevkariya aliyên têkildar hewl bo afirandina derfetên goncaw bo vegera wan penaberan bo ser mal û milkên xwe were dayîn.

Di civînê de Mesrûr Barzanî diyar kir ku berxwedan û girêdayî bûna birayên mesîhî bi welat û warên xwe lazime jiber ku bi vê rengî dikarin wan hewldanên heyî yên ku dixwazên demografiya deverê biguherin û nasnameya şêniyên deverê nehêlin, pûç bikin.

Mesrûr Barzanî herwiha diyar kir ku piştgîriya hikûmeta Kurdistanê bo maf û daxwazên birayên mesîhî bi giştî û ermenî bi taybetî berdewam dibe.

Barzanî di beşeke din ji axaftinên xwe de diyar kir ku di ti şert û mercekê de gelê Kurdistanê dev ji çanda xwe ya bihevre jiyana aştiyane ber nade û got: Kurdistan hertim weke navenda bihevre jiyana aştiyane bo tevahiya pêkhateyên olî û etnîkî dimîne.

Di dawiya civînê de şanda mêwan spasiya Serok Barzanî, hikûmet û gelê Kurdistanê kir ku di qonaxên curbicur de mesîhiyên Îraqê vehevandiye û hevkariya wan kiriye.

Şanda mêwan di dawî de hêviya serkeftinê bo kabîneya nû ya hikûmeta Kurdistanê xwest.