Hikûmeta Herêma Kurdistanê li ser hebûna hêzên PKKê li Başûrê Kurdistanê û bordimana sivîlan ji aliyê artêşa Tirkiyeyê ve daxuyaniyek belav kir.
Di daxuyaniyê de hatiye gotin ku PKK bi enqest derbasî nav gundan û deverên sivîl yên Başûrê Kurdistanê dibe û dibe sedema wê ku sivîl rastî êriş û bordimanê bên.
Hikûmeta Kurdistanê herwiha ragihandiye, ew qebûl nakin PKK û ti hêzekî din xaka Herêma Kurdistanê ji bo têkdana asayişa welatên cîran bikar bînin û jiyana xelkê Herêma Kurdistanê bixin metirsiyê.
Hikûmeta Kurdistanê, nîgeraniya xwe ya kûr li hember kuştina sivîlan nîşan daye û ragihandiye, ew qebûl nakin gund û deverên sînorî yên Herêma Kurdistanê bibin meydana şerê serbazî û bordimanê û divê çekdarên PKKê jî ji gundan dûr bikevin.
Di daxuyaniya hikûmetê de hatiye ragihandin ku Herêma Kurdistanê nîgeraniya xwe li hember bordimana sivîlan gihandiye rayedarên hikûmeta Tirkiyê.
komênte (0)
heta niha komênt nehatiye nivîsandin