Birêzan Nêçîrvan Barzanî Serokê Herêma Kurdistanê û Harîkarê Wezîrê Gencîneya Amerîkî yê Karubarê Nehiştina Paredarkirina Terorê, Marshall Billingslea civiyan.
Di civînê de behsa ji navbirin û nehiştina yekcariya DIŞIê û hizra terorîstî û tundiyê, tekez li ser pêwîstî û hişkkirina çavkaniyên darayî ya DIŞIê û rêgirîkirina tevahiya bizav û çalakiyên darayiya wan û metirsiya serhildana wan yê kirdarî û ji bo vê mebestê hevkarî û hemahengiya zêdetirê navdewletî bi pêwîst zanî.
Di berdewamiya civînê de her du aliyan behsa peywendiyên Hewlêr û Bexda û derfeta kar û veberhênan û sermayeguzariya li Herêma Kurdistan û Iraqê ji bo veberhênerên biyanî û pêşkêşkirina hêsankariyên li vî derbarî de, sîstema bankî û bankdarî li Iraq û Herêma Kurdistan û çawayiya pêşxistina û girêdana wan bi cîhanê re, hevkarî û hemahengiya banka navdewletî ya ji bo baştirkirina kerta aborî û bankdariya li Herêma Kurdistan û Iraqê, rewşa aboriya Iraq û Herêma Kurdistanê bi giştî û kerta uzeya wan bi taybetî guftûgo kirin.
Li civînê de ku birêz Konsulusê Giştî yê Amerîka û şandekî li gel beşdar bûn, guftûgoya Hikûmeta Herêma Kurdistan û Hikûmeta Federalî ya Iraqê ji bo çareserkirina kêşeyan, bazirganiya li Herêma Kurdistan û Iraqê li gel welatên hevsû û cîran û navçeyê, çend mijareke dinê guftûgoya her dû aliyan bûn.
komênte (0)
heta niha komênt nehatiye nivîsandin