Li Îranê 247 kes di bûyerên trafîkê de mirin

Li Îranê di roja şeşem a betlaneyê de bi giştî li welat di bûyerên trafîkê de 247 kesan jiyana xwe ji dest dan.

Li gor nûçeyeke basnewsê Piştî destpê kirina betlaneya Newrozê li Îranê bûyerên trafîkê jî zêde bûne. Li gor cîgirê rêveberiya ewlehiya trafîk a Îranê Tîmur Huseynî, heta naha ya roja şeşem a betlaneya Newrozê, bi giştî li Îranê di bûyerên trafîkê de 247 kesan jiyana xwe ji dest dane.

Huseynî got, di wan 6 rojane de 187 bûyerên trafîkê pêkhatine û piraniya wan bûyeran di rêyên nava bajaran de pêkhatine. Herwaha li eyaletên bakur ên Îranê jî barîna befr û baranê ya zêde bûye sedemê bûyerên trafîkê û ragehand: Divê ajokar li hember barînan jî bi amadekarî derkevin rê û leza zêde nekin û li gor qûralên trafîkê tevgerin. Ji ber ew tişt li berçav nehatine girtin di bûyerên trafîkê de 247 kesan jiyana xwe ji dest dane.