Kolberekî din li Selmasê hate kuştin

    Li herêma Şipîranî ya bajarê Selmas ê Rojhilatê Kurdistanê, hêzên rejîma Îranê êrîş birin ser komek ji kolberan. Hêzên rejîmê kolberek kuştin, yek jî birîndar kirin.

Êrîş li herêma Şipîranî rû da ku di navbera rojhilat û başûrê Kurdistanê de ye.

Hêzên rejîma Îranê êrîş birin ser komek ji kolberan û kolberê bi navê Feramerz Celî Baqwi (26) kuştin, kolberê bi navê Zakirî Celî Baqwi (30) jî birîndar kirin. Baqwi yê birîndar rakirin nexweşxaneya Selmasê.

Hêzên rejîma Îranê 20'ê Cotmehê jî li herêma Mergewerê ya Ûrmiyê li kolberan reşandibûn û kolberê bi navê Zekerya Bekirî kuştibûn.