Duhê bişev terorîstên DIŞIê li ser torên civakî belav kirin ku genimên cotkarên Kurd yên ku li deverên Kurdistanî yên derveya îdareya Kurdistanê tên şewtandin, ji aliyê wan ve têne şewtandin.
Terorîstên DIŞIê dane zanîn ku şewtandina genimên cotkarên Kurd karê wane û bi mebesta tole stendinê ev yekê dikin.
Terorîstên DIŞIê herwiha diyar kirine ku li çend parêzgehên Îraq û Sûriyeyê jî dest bi şewtandina çandiniyên xelkê kirine û ev yek jî tole stendine ji wan welatan û xelkên wan deveran.
Weke tê zanîn ev demeke ku şewtandina genim û çandiniyên ewlatiyên Kurd li deverên Kurdistanî yên derveya îdareya Kurdistanê destpê kiriye û DIŞIê û erebên ku ji wan re erebên hawirde tê gotin berpirsiyartiya vê yekê dixin stûyê xwe.
komênte (0)
heta niha komênt nehatiye nivîsandin