Mihemed Helbûsî dîsa bû Serokê parlementoya Îraqê

Parlemen duhê yekem civîna xwe li dar xist.

Duhê li Bexdayê yekem civîna parlementoya nû ya Îraqê hat lidarxistin.

Di civîna han de yekem car Serokê parlementoyê û her du Cîgirên wî hatin hilbijartin.

Mihemed Helbûsî ku suneye bû Serokê parlementoyê, Hakim Zamilî û şîeye û Şaxewan Ebdulah ku Kurde bûn Cîgirê Serokê parlementoyê.

Piştî hilbijartinê Serok Barzanî peyamek weşand û hêvî kir ku, ev pêngava han bibe derfetek bo avêtina pêngavên din yên girîng yên bo çareser kirina kêşe û arîşeyên heyî yên li Îraqê bi taybetî yên di navbera Hewlêr û Bexdayê de û sepandina prensîbên şeraket, hevbeşiya rastîn û hevsengiyê.

Herwiha Serokê tevgera Sedir Muqteda Sedir jî dilxweşiya xwe diyar kiriye û gotiye ev yekem mizgîniya mezin ya hikûmeta nîştimaniye.

Herwiha Serokwezîrê Kurdistanê Mesrûr Barzanî jî peyamek pêşkêşî Serok û Cîgirên wî kiriye û pîrozbayî li wan kiriye û hêviya serkeftinê ji wan re xwestiye.

N: E. G