Îtlaata rejîmê gotiye nabe beşdarî di merasînên Newrozê de bikin.
Li gor zaniyariyên ku ji Rojhilatê Kurdistanê dest ketine, rejîma Îranê ev çend roje operasiyon li dijî ciwan û çalakvanên Kurd li seraserê Rojhilatê Kurdistanê daye destpê kirin.
Zaniyarî qala vê yekê dikin ku îtlaat û hêzên din yên ewlekarî yên rejîma Îranê gef li welatiyên Kurd kirine ku nabe bi ti awayî beşdarî di merasîmên Newrozê de bikin.
Li gelek bajar û bajarokên Rojhilatê Kurdistanê, hêzên ewlekarî yên rejîmê gef li welatiyên Kurd kirine ku eger beşdarî di merasîmên Newrozê de bikin vê werin girtin û cezakirin.
Her di heman çarçoveyê de li gundê Nê ya ser bi Merîwanê hêzên îtlaatê belênname ji zêdetir ji 90 çalakvan û ciwanên Kurd wergirtine ku nabe beşdarî di ahengên Newrozê de bikin.
Weke tê zanîn rejîma Îranê di wan salên dawî de ji merasîmên girseyî û ahengên netewî yên gelê Kurd gelek ditirse lewre zextên xwe li dijî welatiyên Kurd zêdetir kiriye û rê nade aheng û merasîmên han werin organîzekirin.
komênte (0)
heta niha komênt nehatiye nivîsandin