Hevpeymaniya Erebî li Yemenê 20 kesên medenî kuşt

Balefirên hevpeymanî êrîşî ser dawetê kirin û 20 kes kuştin û 40 kesên din jî birîndar kirin.

Hat ragihandin ku balafirên şer ên koalîsyona erebî li bajarê Hacce yê Yemenê êrişî dawetekê kir, di encama êrişê de 20 kes hatin kuştin û 40 jî birîndar bûn.

Li gor zanyariyên berdest, balafirên şer ên koalîsyona erebî ku Erebistana Siûdî pêşengiya wê dike li bakurê Yemenê êrişeke hewayî li dar xist, di encama êrişê de jin û zarok jî di nav de herî kêm 20 kes hatin kuştin û zêdetirî 40 kesî jî birîndar bûn.

Êriş li bajarê Hacceyê li hemberî dawetekê pêk hat û li gor agahiyan di nava sivîlên kuştî de bûk jî heye.

Hefteya borî roja înê balafirên şer ên koalîsyona erebî dîsa êrişek pêk anî bû û di êrişê de 18 kesan canê xwe ji dest dabû. Li gor daneyên Neteweyên Yekbûyî di operasyonên koalîsyona erebî de zêdetirî 10 hezar sivîl canê xwe ji dest dane.