Wezîrê Navxwe yê Kurdistanê Kerîm Şingalî ragihand, di roja hilbijartinan de hatin-çûn di navbera parêzgeha û bajarên Kurdistanê tê sekinandin.
Îro li Hewlêrê civînek li ser çawaniya parastina ewlehiya hilbijartinên parlamentoya Iraqê hat lidarxistin. Piştî civînê, Wezîrê Navxwe yê Kurdistanê Kerîm Şingalî û parêzgarên Hewlêr û Silêmaniyê her wiha nûnerê Komîsyona Hilbijartinan ya Iraqê li Kurdistanê Mazin Ebdulqadir derketin pêşberî kamerayan.
Kerîm Şingalî da zanîn ku tevahiya tedbîrên pêwîst bo parastina ewlehiya hilbijartinan û sindoqên dengdanê hatine girtin û got, roja hilbijartinan yanê 12 mehê hatin-çûn di navbera bajar û parêzgehan de tê sekinandin.
Şingalî da zanîn ku sibê dengdana taybet e û got, sibê hêzên polîs û Pêşmerge deng didin. Kesên nexweş jî dê roja hilbijartinan li nexweşxaneyan deng bidin.
komênte (0)
heta niha komênt nehatiye nivîsandin