Prosesa hilbijartinê bi başî birêve diçe

Tîmên ser bi NY yên ku bi mebesta çavdêrî kirina prosesa dengdanê hatine Kurdistanê, presskonferansek li dar xistin.

Di presskonferansa han de Berpirsa tîmên ser bi NY Alic Valpaul ragihand ku prosesa dengdanê gelek bi başî birêve diçe û heta niha ti kêşe û arîşeyeke wisa nehatiye dîtin.

Valpaul herwiha eşkere kir ku endamên tîmên ser bi NY serdana piraniya navendên dengdanê li Hewlêr û çend navçeyên din kirine û li gor raportên wan heta niha ti arîşeyek li berdem prosesa dengdanê çê nebûye û proses bi başî birêve diçe.