Miryem Qazî koça dawî kir

Nivîskara Kurd a Rojhilatê Kurdistanê Miryem Qazî li bajarê Mehabad koça dawî kir.

Xatûn Miryem Qazî ku ji malbata naskirî ya Qazî ye li Mihabadê û biraziya Pêşewa Qazî Mihemed e, di warên helbest, çîrok, wergêran û rexneyên edebî de çalak bû, gelek berhemên wê di rojname û govarên Başûr û Rojhilatê Kurdistanê de belav bûne.

Herwiha du kitêbên wê bi navên "Hatina Hundir Qedexe ye" û "Zîndebegorî" anko "Bi Saxî Çalkirin" çap û belav bûne û romanek jî bi navê "Min Jiyan Xweş Divê" di jêr capê de ye.

Miryem Qazî di heman demê de çalakvaneka aktîv a mafên jinan jî bû.

Miryem Qazî sala 1964ê li bajarê Mehabad ji dayîk bûbû û îro Duşembî 5ê Mijdara 2018ê her li wî bajarî koça dawî kir.