Nêçîrvan Barzanî: Rêkeftin pêngaveke gelek girînge

Îro li Hewlêrê bi minasebeta 10 saliya kar kirina kompaniya DANA Gaz li Kurdistanê merasîmek hat lidarxistin.

Di merasîma han de Serokwezîrê Kurdistanê Nêçîrvan Barzanî peyvek pêşkêş kir û derbarê şandina petrola Kerkûkê bi rêya boriya Kurdistanê bo bazarên cîhanî de, diyar kir ku Bexda û Hewlêrê li ser vê mijarê lihev kirine û lihev kirina han jî pêngaveke girîng û erêniye vê fêde bide her du aliyan.

Nêçîrvan Barzanî herwiha diyar kir ku Kurdistan amadeye tevahiya kêşeyên heyî yên li gel Bexdayê çareser bike û lazime Bexda jî di vê warî de rûpeleke nû veke.

Nêçîrvan Barzanî spasiya kompaniya dana gaz û kompaniyên din  yên biyanî yên ku li Kurdistanê de kar dikin kir û got: Em spasiya we dikin ku li Kurdistanê kar dikin û diyare siyaseta abûriya Kurdistanê siyaseteke serkeftiye û encamên baş hene û baweriya we bi vê siyaseta han ji her tişteke din girînge.

Barzanî anî ziman ku kompaniya dana gaz vê hêlbirîna gazê zêdetir bike û jiber vê çendê jî vê wezareta elektirîkê jî fêdeyeke gelek baş bigire û rêjeya dabîn kirina elektirîkê zêdetir bike.