Karmendekî Tora Medyayî ya Rûdawê jiyana xwe ji dest da

Karmendê Tora Medyayî ya Rûdawê Cîhan Demirkiran ku roja 05-11-2018an li Bakurê Kurdistanê bi mebesta rûmalkirina nûçeyekê, li gel tîmekê di rê de bûn û rastî bûyereke trafîkê hatibûn, îro jiyana xwe ji dest da.

Cîhan Demirkiran, pênc sal bû weke şofêr li ofîsa Tora Medyayî ya Rûdawê ya li Amedê dixebitî. Cîhan Demirkiran zewicî bû û bi navê Ciwan zarokekî wî yê du salî hebû, piştî bûyera trafîkê, nêzîkî mehekê li nexweşxaneyê di komayê de bû û îro jiyana xwe ji dest da.