Îro Serokwezîrê Kurdistanê Nêçîrvan Barzanî pêşwaziya şandeke Serokatiya taîfeya Siriyanî Ortodoks ya Mûsil û Kurdistanê bi Serokatiya Patrîk Exnatûs Eframê dudiyan a Patrîkî Entakiye û tevahiya Rojhilata navîn kir.
Di civînê de şanda mêwan kêfxweşiya xwe ya li hember hevdîtina xwe a li gel Serokwezîr diyar kir û spasiya xelk û hikûmeta Kurdistanê û pêşmerge kir bo parastin,hevandin û hevkarî kirina kirîstiyanan di demên dijwar de.
Şanda mêwan herwiha behsa dîroka kirîstiyanan li deverê de kir û balkêşande ser vê yekê kir kirîstiyan bi aştî li gel pêkhateyên din jiyane û bihevre jiyana navbera pêkhateyan li Kurdistanê de jî bi girîng wesif kir.
Di berdewamiya civîna han de Serokwezîrê Kurdistanê Nêçîrvan Barzanî jî spasiya serdana şanda han kir û balkêşande ser çanda bihevre jiyanê li Kurdistanê û got: Ev çanda han ji hizir û baweriyeke dîrokî ya bihêz û kûr çavkanî digire û Kurdistanê berdewam dibe li ser parastina ev çanda han.
Serokwezîr herwiha hêviya vê yekê jî xwest ku kirîstiyanên ku koçberî Kurdistan bûne berê xwe nedene derveya welat û li welatê xwe de bimînin.
Serokwezîrê herwiha amadebûna hikûmeta Kurdistanê jî bo geşe pêdana zêdetir ya perwerdehiya Siriyanî diyar kir.
komênte (0)
heta niha komênt nehatiye nivîsandin