Îro jiber koça dawî ya Mîrê Êzidiyên Kurdistan û cîhanê, Mîr Tehsîn Beg, Serok Barzanî peyameke pêşkêşî malbata Mîr kir ku ev jî tekesta vê ye;
Bi navê xwedayê mezin û dilovan
Berî sibehiya roja dûşem 28.01.2019 Mîr Tehsîn Beg Mîrê Êzidiyên Kurdistan û Cîhanê koça dawî kir.
Bi vê helkefta xemgîn serxweşiyên xwe pêşkêşî malbata Mîr û kesayetiyên ola Êzidî û hemû xuşk û birayên Êzidî yên li Kurdistan û Cîhanê û herwiha li gelê Kurdistanê dikim.
Ji xwedayê mezin hêvî dikim rûh û canê xwedê jêrazî Mîr Tehsîn bi dilovaniya xwe şad bike û sebir û hedarê bide her aliyekî.
Ji dest dana Mîr Tehsîn Beg ziyan û valahiyeke mezine ji bo xuşk û birayên Êzidiyan û me hemû aliyek. Li vir de hêvîdarim bi hîkûmet û hewla hemû aliyek ew valahî bê pir kirin û tebayî û birayetiya di navbera hemû Êzidiyên Kurdistan û Cîhanê bi hêztir û kûrtir bê kirin.
Mesûd Barzanî
28.01.2019
komênte (0)
heta niha komênt nehatiye nivîsandin