Îro li Pîrmamê Serok Barzanî pêşwaziya dîroknivîs, rewşenbîr û hunermendê navdarê Kurdê Xorasanê Mamoste Kelîmulahê Tewehudî kir.
Di vê hevdîtinê de Mamoste Kelîmullahê Tewehudî spasiya Serok Barzanî kir û ragihand ku niha mezintirîn hêviya jiyana min pêkhatiye. Paşê bi kurtî li ser dîroka Kurdên Xorasanê û hemû pirtûk û nivîsînên xwe yên di warê dîrok, edeb, huner û rewşa niha ya wê beşê gelê me yê li wan navçeyan pêşkêş kir.
Her di vê hevdîtinê de Serok Barzanî ji bilî bi xêrhatin kirina mamoste Tewehudî, spasiya hewl û keda wî ya ji bo nivîsîna dîroka beşekî girîngê gelê Kurd kir. Herwiha ji bo hewlên wî yên di warê zîndî ragirtina huner û çanda Kurdên Xorasanê de destxweşiyê lê kir û hêviya serkeftinê di kar û projeyên nû de ji nav hatî re xwest.
komênte (0)
heta niha komênt nehatiye nivîsandin