Îro şandeke bilind ya hikûmeta Îraqê bi mebesta gitûgo kirin li ser kêşeyên heyî yên di navbera Kurdistan û Îraqê de serdana Hewlêrê kir.
Di civînê de ku her yek ji Serokwezîrê Kurdistanê Nêçîrvan Barzanî û Şêwirmendê cvata ewlekariya Kurdistanê Mesrûr Barzanî û hijmareke zêde wezîrên hikûmeta Îraqê û Kurdistanê jî têde beşdarin vê behsa çend mijarên sereke yên weke kêşeyên navbera Hewlêr û Bexdayê û çawetiya çareserkirina kêşeyên han were kirin.
Di destpêka civînê de Serokwezîrê Kurdistanê Nêçîrvan Barzanî ragihand ku lidarxistina civîneke bi wî rengî cihê dilxweşiyê ye û ew tekezî li ser çareserkirina pirsgirêkan bi rêya diyalogê li gor destûra Iraqê dikin û got: “Lidarxistina civîna aborî ya hikûmeta Iraqê nîşan dide ku baweriya her du aliyan bi diyalog û hevfamkirinê heye bo çareserkirina pirsgirêkan.”
Nêçîrvan Barzanî destnîşan kir ku girîng e ku çarçoveyek hevbeş di navbera Herêma Kurdistanê û Bexdayê de hebe û got ew dê hewl bidin li ser pirsgirêkên petrolê û deverên Kurdistanê yên li derveyê îdareya Herêma Kurdistanê bigihên rêkeftinê.
Barzanî anî ziman ku lazime pergala fedralî li Îraqê bi temamî were cîhbicîhkirin û lazime ev qanûnên ku li berdem cîhbicîh kirina fedraliyê astengên werin guhertin.
komênte (0)
heta niha komênt nehatiye nivîsandin