Iraqê pêşmergeyekî Rojhilatî teslîmî Îranê kir

Welatiyekî Rojhilatî, ku heyamekî pêşmergeyê Partiya Azadî ya Kurdistanê (PAK-Rojhilat) bû, ji aliyê hikûmeta Iraqê ve teslîmî Îranê hat kirin.

Dezgeha mafên mirov ya Hengaw ragihandiye, hikûmeta Iraqê roja 26 Nîsana îsal, welatiyekî kurd yê Rojhilatî bi navê Kemal Salihî (44 salî) teslîmî Îranê kiribû.

Li gorî agahiyên Hengawê, ew kurdê Rojhilatî, çend meh berê li devera Pirdê ya Kerkûkê ji PAKê veqetiyabû û teslîmî hêzên Iraqî yên li Kerkûkê bibû. Li wir 3 mehan di girtîgehê de mabû. Di nav wan sê mehan de 3 caran ji aliyê efserên Îranî ve rastî lêpirsînê hatibû.