Serok Barzanî: Bi ti awayî nikarîn dengê gelê me qut bikin

Serok Barzanî bi minasebeta 43mîn salvegera şoreşa Gulanê peyamek weşand.

Serok Barzanî bi minasebeta 43mîn salvegera şoreşa Gulanê peyameke weşand ku ev jî tekesta vê ye;

Bi navê xwedayê mezin û dilovan

Yek ji bîranînên bi rûmet yên meha Gulanê, salvegera destpê kirina şoreşa Gulana pêşketin xwaze, şoreşek ku berdewamiya xebat û qurbanîdana gelê Kurdistanê bû dijî sîtem û dagîrkariyê.

Şoreşa Gulanê, qonaxeke girîng ya berxwedana Pêşmerge û gelê Kurdistanê bû ku ev peyam bi eşkere ragihand ku plangêrî,  nepakî,  agir û hesin nikarin dengê gelê me qût bikin û me neçar bikin dest ji azadîxwazî û mafên xwe yên rewa berdin.

 Eger di qonaxekê de xebata gelê Kurdistanê tûşî rawestan û şikestê hatibe, dîsa gelê me xwe naçemêne û bi îradeyekî polayîn dijî dagîrkariyê radiweste û mafên xwe yên rewa bidest tîne.

Bi minasebeta çil û sêyemîn salvegera şoreşa Gulanê, silav ji bo hemû têkoşer û Pêşmergeyên qehreman û wan niştîmanperwerên bindestiyê red kirin re dişînîn û westandin û koçberiyê hilbijartin û qurbaniyê dan û li kêmtirîn demê da şoreşê hilgîrsandin.

Hezaran silav ji bo giyanê pakê şehîdên şoreşa Gulan û şehîd Seyîd Abdullah yekem şehîdê Şoreşa Gulanê û hemû şehîdên Kurdistanê be. Silav li xweragirî û azayetiya Pêşmerge ku bi xwîn û qurbanîdana xwe serfîraziyê ji bo gelê xwe pêkanîn.

Di vê salvegerê da wê yekê dûpat dikîn ku îradeya gelê Kurdistanê bihêze û ji bilî hebûna plangêriyê, lê belê bi îradeyekî bilindtir ji berê têdikoşê ji bo pêkanîna mafên rewayên xwe û berdewamiyê li peyama aştî û pêkvejiyan û pêşketinxwaziyê dide.

Mesûd Barzanî

25.05.2019