Gundê Pîrozane hate bordiman kirin

Îr danê sibê bo cara yekem balefirên şer yên artêşa Tirkiyeyê gundê Pîrozane ya ser bi Amêdiyê ve bordiman kirin.

Li gor jêderên ji Amêdiyê, bordiman di seat 1 piştî nîvroyê ji aliyê sê balefiran ve hatiye pêkanîn û di encam de du tirimbîl ku tê gotin tirimbîlên endamên PKKê ne hatine têkbirin.

Şahêdên bûyerê dibêjin yek ji wan tirimbîlan hatiye şewitandin, yeke din jî bi temamî hatiye têkbirin.

Weke tê zanîn ku balefirên artêşa Tirkiyeyê bi awayekî rojane deverên sînorî bordiman dikin û heta niha zirarên gelek mezin yên canî û madî jî ber şêniyên deverê ketine.