Serok Barzanî: PDK hertim di eniya pêş ya berevaniyê de bûye

Serok Barzanî îro bi minasebeta 73 saliya damezrandina partiya demokrata Kurdistanê peyameke pîrozbayî weşand ku ev jî tekesta vê ye;

Bi minasebeta 16ê Tebaxê 73mîn salvegera damezrandina partiya demokrata Kurdistanê, pîrozbayên xwe pêşkêşî tevahiya kadro, endam û alîgirên PDK û herwiha malbetên serfiraz yên şehîdan, pêşmergeyên qehreman û xelkê Kurdistanê dikim.

PDK ji roja damezrandina xwe ve heta îro hertim di eniya pêşî ya berevanî kirin ji mafên reva yên gelê Kurdistanê bûye û ji bo serfiraziya gelê Kurdistanê li gel hêzên din yên têkoşer ên Kurdistanê qurbaniyên gelek mezin daye.

PDK bi siyaseteke rast û dirost têkoşana xwe meşandiye, armancên steratejîk diyar kiriye û heta îro jî bi meşiyan li ser rêbaza pîroz ya Barzanî weke rêbaza rastîn ya Kurdatiyê di diroşim û piratîkê de her yekeme.

Bi vê minasebetê lazime careke din spasiya berxwedana kadro û endamên PDK û xelkê Kurdistanê bikim piştîvanî û berxwedana we sermayeya bêdawî ya PDKê ye, hêzeke zêdetir dide me û hewl û têkoşana me ya bo dabîn kirina pêşerojeke geştir bihêztir dike.

Silav li canê paqêj yê şehîdan

Silav li pêşmergeyên qehreman

Bijî Kurdistan

Hertim şad û serfiraz bin