Bordiman kirina deverên sînorî berdewame

Ev çend roje ku balefir û kopterên ser bi artêşa Tirkiyeyê bi tundî deverên sînorî yên Kurdistanî bi taybetî devera Sîdekanê bordiman dikin.

Herwiha hate zanîn ku di çarçoveya bordimanên han de, duhê bi şev balefir û kopterên artêşa Tirkiyeyê bi tundî devera Xakûrik û deşta Hêrtê bordiman kirine.

Jêderên ji herêmê behsa vê yekê kirin ku Xakûrik, çiyayê Şekîf, Lolan, Gewra Kawereşik û çiyayê Zirarav bi tundî bordiman kirine.

Bordimanên han ti zirarên canî li pey xwe nehêştine lêbelê zirarên mezin gehandine jîngeha wan deveran.