Îtlaata Îranê sê keçên Kurd binçav kiriye

Temena wan ji 18 salan kêmtire.

Li gor nûçeyeke navenda mafên mirovan ya Hengawê, roja 24ê Tebaxa 2021an, li bajarê Ciwanro ya li Rojhilatê Kurdistanê, îtlaata Îranê 3 keçên Kurd binçav kiriye.

Ev her 3 keçên binçav kirî, temena wan ji 18 salan kêmtire û yek ji wan di bin çavan de hewla întîhar kirinê daye.

Hengawê belav kiriye ku heta niha sedema girtina wan her sê keçên Kurd yên biçûk nehatiye diyarkirin û çarenivîsa wan jî nediyare û hewldanên kesûkarên wan jî bo wergirtina zaniyarî derbarê çarenivîsa wan de bê encam bûne.

Navê wan her 3 keçên Kurd ewe Tara Ehmedî 12 sal, Sunya Kerîmî 14 sal û Periya Fethî 14 sal.

N: E. G