Talan kirina Efrînê berdewame

Cîhadiyên Tirkiyeyê dîsa dest bi qut kirina daran kirine.

Li gor zaniyariyên ji herêmê, prosesa talan kirin û guhertina demografiya Efrînê berdewame.

Hikûmeta Tirkiye û komên cîhadî yên ser bi Tirkiyeyê ve rojane her du prosesên talan kirin û guhertina demogirafiya Efrînê bi awayeke hevdem dimeşînin.

Tirkiye û cîhadî bi hevre şêniyên Kurd yên Efrînê ji ser mal û milkên xwe der dixin û kesûkarên cîhadiyan li ser milk û malên wan bicîh dikin.

Di salên derbasbûyî de jî cîhadî û artêşa Tirkiyeyê rixmî dizîna zeytûnên Efrînê ku li cîhanê de navdarin, dest bi qut kirina darên zeytûnan kirine û niha jî berdewame.

Di vê çarçoveyê de navenda mafên mirovan ya Efrînê ragihand ku komên çekdar di rojên derbasbûyî de dîsa dest bi qut kirina darên zeytûnan kirine û bi tenê  li nahiyeya Bilbilê zêdetir ji 17 hezar darên zeytûnan qut kirine.

Komên cîhadî darên ku qut dikin bo kargehên pîşesaziya amûrên mal, ofîs û mobiliyatan, wan daran vediguhezên Tirkiyeyê.

N: E. G