Mesrûr Barzanî: Em piştîvaniya diyaloga aştiyane dikin

Di destpêka komcivîna aştî û ewlekarî de gotarek pêşkêş kir.

Kêliyek beriya niha bi gotara Serokwezîrê Kurdistanê Mesrûr Barzanî komcivîna aştî û ewlekariya Rojhilata Navîn li Dihukê destpê kir.

Di destpêka gotara xwe de Serokwezîr bixêrhatina mêwan û beşdarwanan kir û ragihand ku piştî koronayê ev cara yekeme ku bi awayeke raste rast liwir kom dibin û spasiya we dikim ku hatine û beşdar bûne.

Serokwezîr herwiha diyar kir ku, niha li deverê de gelek guhertin û pêşhatên curbicur hene û lazime tevahiya me bihev re hewl bo çareser kirina kêşeyên heyî bidin û bêgoman çareser kirina kêşeyan jî tenê bi diyaloga aştiyane dibe.

Mesrûr Barzanî herwiha diyar kir ku, bi her awayî piştîvaniya diyaloga aştiyane bo çareser kirina kêşeyan dikin û lazime tevahiya aliyan jî bo vê mebestê hewl bidin.

N: E. G