Amerîka: Her gava pêwîst bû emê hêzên xwe zêde bikin

Wezîrê berevanî yê Amerîkayê li Menameyê gotarek pêşkêş kir.

Îro wezîrê berevanî yê Amerîkayê Lloyd Austin di forma Menameyê de gotarek pêşkêş kir û behsa rewşa Rojhilata Navîn û siyaseta Amerîkayê ya li Rojhilata Navîn de kir.

Wezîrê berevanî yê Amerîkayê Lloyd Austin diyar kir ku, Amerîka girîngiyeke gelek zêde dide aştî û aramiyê li Rojhilata Navîn de û berdewam dibe li ser kar û çalakiyên hevbeş yên li gel hevpeymanên xwe yên li deverê de.

Lloyd Austin eşkere kir ku, Amerîka bi temamî ji deverê navekêşe, û her gav pêwîst bike, vê Amerîka hêzên xwe yên li deverê zêdetir bike.

Derbarê rewşa Îraq û Îranê de jî Lloyd Austin anî ziman ku Amerîka berevanî ji serweriya Îraqê dike û li dijî destwerdaniyên Îranê di karûbarên Îraqê de radiweste.

Austin tekez li ser vê yekê jî kiriye ku Amerîka hem li Îraq û him jî li deverê bi giştî, rûbirûyê gefên Îran û komên ser bi Îranê dibe.

N: E. G