Komên cîhadî yên terorîst yên Tirkiyeyê 6 welatiyên Kurd li Efrînê girtin.
Navenda Belgekirina Binpêkirinan li Bakurê Sûriyê ragihand ku ew 6 welatî, duh ji navçeyên cûda yên Efrînê ji aliyê komên cîhadî yên terorîst yên Tirkiyeyê ve hatine girtin ku 2 ji wan jin in.
Heman Navendê eşkere kir ku di dema girtina wan welatiyan de, çekdaran malê wan jî talan kirine û derî û pencereyên malê jî şikandine. Heta niha sedem û cihê girtina wan nayê zanîn.
Weke tê zanîn girtin, revandin û talan kirina mal û milkên welatiyên Kurd li deverê bûye karê rojane yê artêşa Tirkiye û komên cîhadî yên terorîst yên Tirkiyeyê.
N: E. G
komênte (0)
heta niha komênt nehatiye nivîsandin