Serokwezîr li gel wezîrên navxwe û pêşmerge civiya

Behsa amadekariyên pêwîst bo parastina Kurdistanê kirin.

Îro Serokwezîrê Kurdistanê Mesrûr Barzanî li gel her du wezîrên navxwe û pêşmerge yên hikûmeta Kurdistanê civiya.

Di civînê de giftûgo li ser liv û tevgerên vê dawiyê yên terorîstên DIŞIê û êrîşên terorîstan yên li Îraq, Sûriye û Rojavayê Kurdistanê hate kirin û rêkar û amadekariyên nû yên aliyên têkildar yên Kurdistanê bo parastina Kurdistanê li hember êrîşên terorîstan hatin nirxandin.

Her di heman civînê de hemahengiya navbera hêzên pêşmerge ya li gel hêzên federalî û hevpeymaniya cîhanî jî hatiye nirxandin û tekez li ser berfiretir kirina hemahengiya han hatiye kirin.

N: E. G