Îraqî dest bi boykot kirina Îranê kirin

Dibêjin bila kes berhemên Îranî nekire.

Li dijî helwesta Îranê ya bo qut kirina gazê li ser Îraqê ku bûye sedema çê bûna kêşeya elektirîkê li naverast û başûrê Îraqê, welatiyên Îraqî kempînek li dijî Îranê ragihandine.

Di kempîna han de yaku li ser medyaya sosiyal hatiye organîzekirin, daxwaz ji welatiyên Îraqî tê kirin daku bi ti awayî berhemên Îranî bikar nehînin û wan boykot bikin.

Weke tê zanîn di rojên derbasbûyî de jiber qerên Îraqê yên ku nedane Îranê, Îran şandina gazê bo Îraqê qut kiribû û ev yek jî bibû sedema qut bûn û nemana elektirîkê li Başûr û Naverasta Îraqê.

N: E. G