بەڕێوەبەرایەتی ھاتووچۆی کۆیە لە ڕاگەیاندراوێکدا ئاماژەی بەوە کرد، درەنگانی شەوی ڕابردوو لە ڕێگەی سەرەکی کۆیە-ھەولێر بەھۆی ڕووداوێکی ھاتووچۆوە کەسێک گیانی لەدەستدا و 6 کەسی دیکە برینداربوون.
لە ڕاگەیاندراوەکەی ھاتووچۆی کۆیە ھاتووە، درەنگانی شەوی ڕابردوو، 25ـی ئەیلوولی 2021 لە ڕێگەی سەرەکی کۆیە - ھەولێر لە نزیك کارگەی غازی گردجادر ڕووداوێکی ھاتووچۆ ڕوویدا، لە ئەنجامدا ھاووڵاتیێک بەناوی "شوکریە ڕەزا اسماعیل" گیانی لەدەستدا و ژمارەیەکیش برینداربوون.
ھەر لە ڕاگەیاندراوەکەدا ھۆکاری دروستبوونی ڕووداوەکە ئاشکرادەکات، کە بەھۆی ئەنجامدانی کرداری پێشکەوتنی ھەڵەوە بووە، بووەتە ھۆی دروست بوونی ڕووداوی ھاتووچۆ لە نێوان ھەر دوو ئۆتۆمبێلی جۆری "نیسان سەنی" و "پیكاپ مسیۆبۆشی" لە ئەنجامدا کەسێك گیان لە دەست دەدات بەناوی "شوکریە ڕەزا اسماعیل"، ھەروەھا 6 کەسی دیکەش برینداربوون.
کۆمێنت (0)
تا ئێستا هیچ کۆمێنتێک نەکراوە.