جڤاتا نوو یا باژێرڤانیا دهۆکێ ده‌ست ب کاربوو

ئه‌ڤرو سپێدێ 2/11/2021 ب ئاماده‌بوونا د.على ته‌ته‌ر پارێزگارێ دهۆكێ رێ ورسمێن گوهورینا جڤاتا باژێرڤانیا باژێرێ دهۆكێ هاتنه‌ گێران.
لبه‌راهیێ پارێزگارێ دهۆكێ دگه‌ل سه‌روك وئه‌ندامێن جڤاتا به‌رێ كۆمبوو وبناڤێ خو وكارگێریا پارێزگه‌هێ وخه‌لكێ باژێرێ دهۆكێ ده‌ست خوشى وسوپاسیا سه‌روك وئه‌ندامێن جڤاتا به‌رێ یا باژێرڤانیا دهۆكێ كر ل دور ئه‌و خزمه‌تا ل بیست سالێن ده‌ربازبویى پێشكێشكرى وهیڤى خاستن كو حكومه‌تا هه‌رێما كوردستانێ خزمه‌ت  وزه‌حمه‌تا وان لبه‌ر چاڤ بگریت.
پاش پارێزگه‌رێ دهۆكێ دگه‌ل سه‌روك وئه‌ندامێن جڤاتا نوو كۆمبوو وسه‌ركه‌فتن بو وان خواست.
هه‌روه‌سا ته‌كه‌زكر كو جڤاتا نوو ژچه‌ند رێڤه‌به‌رێن گشتى وژبسپورێن شاره‌زا دبیاڤێن جودا جودا پێك دهێت ودڤێت هه‌موو كار وئه‌ركێن جڤاتێ ب هوربینى ودور ژروتینێ ولدووڤ یاسا ورێنمایێن گشتى كو دبه‌رژه‌وه‌ندیا گشتى دا بهێنه‌ ئه‌نجامدان وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو وێ یه‌كێ خزمه‌تا خه‌لكێ باژێرێ دهۆكێ باشتر بهێته‌ كرن .
دكونگره‌كێ رۆژنامه‌ڤانیدا پارێزگارێ دهۆكێ دوو باره‌ بناڤێ خو وكارگێریا پارێزگه‌هێ وخه‌لكێ دهۆكێ سوپاسیا سه‌روك وئه‌ندامێن جڤاتا به‌رێ كر ل دور ئه‌و خزمه‌تا ل سالێن ده‌ربازبوى پێشكێشكرى هه‌روه‌سا داخازا سه‌ركه‌فتنێ بو سه‌روك وئه‌ندامێن جڤاتا نوو كر وپشته‌ڤانیا پارێزگه‌هێ نیشان بو هه‌ر هاریكاریه‌كێ .
جڤاتا نوو ژڤان به‌رێزان پێك دهێت
1. ملله‌ت سالم محه‌مه‌د عه‌لی – سه‌رۆكێ جڤاتا باژیرڤانیا دهۆكێ
2. ئیلیاس سادق عه‌بدوللا سادق – جێگرێ سه‌رۆكێ جڤاتێ
3. چه‌كڤان محه‌مه‌د ئه‌حمه‌دخان ئاڤده‌ل – ئه‌ندام
4. ئیبراهیم عه‌گید سه‌دیق سه‌عدوللا – ئه‌ندام
5. ئه‌حمه‌د جه‌میل - ئه‌ندام
6. كوردۆ ئیحسان عه‌بدولسه‌مه‌د عه‌بدوللا- ئه‌ندام
7. ڤه‌گێر ئه‌حمه‌د عه‌لى محه‌مه‌د – ئه‌ندام
8. خه‌یرى عه‌لى ئۆسۆ عه‌لى - ئه‌ندام
9. محه‌مه‌د خالد محه‌مه‌د عه‌لى - ئه‌ندام
10. شاكر مه‌حموود مه‌حموود سه‌لیم – ئه‌ندام
11. سه‌عدییه‌ حه‌سه‌ن سه‌یدۆ محه‌مه‌د – ئه‌ندام
12. ئه‌یاد حه‌سه‌ن عه‌بولحه‌لیم حه‌سه‌ن – ئه‌ندام
13. كارۆلین ئادۆر نیخۆ زكا- ئه‌ندام