بەرپرسێ راگەهاندنا پۆلیسێن دهۆکێ ڕاگههاند، دووهی نیزیک دەمژمێر (5) ئێڤاری ژ ئەنجامێ شەرەکی کەسەک ب گولەکا دەمانچێ بریندار دبیت و زیان دگەهیتە دوو ترومبێلان.
مقەدهم هێمن سلێمان بەرپرسێ راگەهاندنا پۆلیسێن دهۆکێ گۆت ژی: ل نیزیک خانکێ ل سنوورێ دەڤەردارییا سێمێلێ ل سەر پارچەکا ئەردی لایەنەکی ڤیایە وێ پارچە زەڤیێ ئاڤا بکەت، لایەنێ دی خۆ ب خودانێ پارچە زەڤیێ زانییە و بوویە ئەگەرێ هندێ کو شەر د ناڤبەرا واندا ڕوو بدەت.
هێمن سلێمان دووپاتکر ژی، تۆمەتبارێن پشکدار یێ شەڕی بووین هەمی ژلایێ پۆلیسانڤە هاتینە دەستەسەرکرن و پەرێن ڤەکۆلینێ بۆ ڤێ تاوانێ ل بنگەهێ پۆلیسێن سێمێل هاتینە ڤەکرن .
کۆمێنت (0)
تا ئێستا هیچ کۆمێنتێک نەکراوە.