ئه‌مریکا سه‌رکۆنه‌ی هێرشه‌که‌ی سه‌ر پێشمه‌رگه‌ ده‌کات

 وتەبێژی وەزارەتی دەرەوەی ئەمریکا سه‌ركۆنه‌ی هێرشه‌كه‌ی داعش بۆ سه‌ر پێشمه‌رگه‌ له‌ مه‌خمور ده‌كات و سه‌ره‌خۆشی له‌ كه‌س و كاری شه‌هیدانی رووداوه‌كه‌ ده‌كات
نێد پڕایس ، وته‌بێژی وه‌زاره‌تی ده‌ره‌وه‌ی ئه‌مریكا له‌ راگه‌یاندراوێكدا بڵاویكرده‌وه‌: ویلایەتە یەکگرتووەکانی ئەمریکا بە قوڵی نیگەرانی هەڵکشانی بەردەوامی پەلامارەکانی داعشە لە سەرتاسەری عێراقدا و لە ناویشیاندا هێرشەکەی سه‌ر  هێزی پێشمه‌رگه‌ لە قەزای مەخمور کە بووە هۆی شه‌هید بوونی 10 پێشمەرگە و سێ هاووڵاتی مەدەنی.
راشیده‌گه‌یه‌نن:  پرسە و هاوسۆزی خۆمان ئاڕاستەی خانەوادەی ئەوانە دەکەین کە گیانیان سپارد و برینداربوون لەم پەلامارانەدا. 
نێد پڕایس ، وته‌بێژی وه‌زاره‌تی ده‌ره‌وه‌ی ئه‌مریكا ئاماژه‌ بۆ ئه‌وه‌شده‌كات: ویلایەتە یەکگرتووەکانی ئەمریکا جەختدەکاتەوە لە پابەندبوونی بە پشتیوانیکردنی هێزە ئەمنیەکانی عێراق و لە ناویشیاندا هێزی پێشمەرگە لە بەردەوامییان لە شەڕی دژی داعش بۆ دڵنیاییدان لەوەی داعش بە شکستپێهێنراوی دەمێنێتەوە. 

درەنگانی شه‌وی پێنجشەممە 2-12-2021، چه‌كدارانی داعش  له‌ سنووری قه‌زای مه‌خمور هێرشیان كرده‌ سه‌ر پێشمه‌رگه‌، به‌هۆیه‌وه‌  سێ هاووڵاتی و 10 پێشمه‌رگه‌ شه‌هید بوون و 5 ى هاووڵاتی دیكه‌ش مه‌ده‌نیش برینداربوون.