ئەمینداری گشتی یەکێتی جیهانیی زانایانی ئایینی ئیسلام ئیدانەی کردەوە تیرۆرستییەکەی داعش لە چیای قەرەچووغ دەکات و ڕایگەیاند، تێکدانی ئاسایشی کۆمەڵگە خزمەت بە ئیسلام ناکات.
عەلی قەرەداغی ئەمینداری گشتی یەکێتی جیهانیی زانایانی ئایینی ئیسلام سەبارەت بەو هێرش و كردەوە تیرۆریستییانەی ئەم دواییەی داعش لە كوردستان ئەنجامیدا ڕایگەیاند: ئیدانەی ئەو كردەوە تیرۆریستیەی داعش دەكەم كە لە كوردستان ئەنجامیدا، ئەو كردەوە قێزەونە بەهەموو پێوانە و بنەمایەكی ئایینی و نیشتمانیی و نەتەوەیی و مرۆڤایەتی ئیدانە كراوە.
هەروەها ڕایگەیاند: تێكدانی ئاسایشی كۆمەڵگە خزمەت بە ئیسلام ناكات، "خودای گەورە ڕەحم بەهاووڵاتییانی سڤیل و پێشمەرگەكانمان بكات."
ڕاشیگەیاند: ئێمە شانازی بەئیسلامەوە دەكەین، هیچ ئازایەتییەكی تێدا نییە بۆ ڕێكخراوێكی تیرۆریستی وەك داعش كە بووەتە داردەست و هۆكاری ئیهانەكردنی مسوڵمانان و هاوكاری دوژمنانی ئیسلام.
هەروەها ئاماژە بەوەش دەکات کە داعش ڕێکخراوی "گەمژەکان و کوشتنە" نەک ڕێکخراوی دین و عەقڵ.
کۆمێنت (0)
تا ئێستا هیچ کۆمێنتێک نەکراوە.