لە گەڕەکی تانجەڕۆی شاری سلێمانی لەکاتی بەهاناوەچوونی ژنیک ئەفسەرێک و سێ پۆلیسیش برینداربوون.
پۆلیسی سلێمانی ڕایگەیاند: ئەمشەو شەممە ئافرەتێک پەیوەندی بە پۆلیسی ڕووبەڕووبوونەوەی توندوتیژی خێزانییەوە کردووە و داوای یارمەتی کردووە، دوای بەدەمەوەچوونی لەلایەن مەفرەزەیەکی پۆلیسی سلێمانییەوە، چەند کەسێکی خێزانی ئافرەتەکە ڕووبەڕووی هێزەکانی پۆلیس بوونەتەوە.
ئاماژە بەوەش دەکات کە لە ڕووداوەکەدا هێرشیان کردۆتە سەر ئۆتۆمبێلی مەفرەزەکانی پۆلیس و سووتاندوویانە، هەروەها ئەفسەرێکی پۆلیس بە پلەی نەقیب بەناوی محەمەد لەتیف کوژراوە و سێ پۆلیسی دیکەش برینداربوون.
پۆلیسی سلێمانی ئاشرای دەکات کە هێرشبەری سەرەکی ڕووداوەکە ڕایکردووە و پێشتر فەرمانی دەستگیرکردنی هەبووە بە پێی ماددەی 7.
کۆمێنت (0)
تا ئێستا هیچ کۆمێنتێک نەکراوە.