سەرۆکی هەرێم له‌گه‌ڵ وەزارەتی پێشمەرگە و فەرماندە سه‌ربازییه‌کان له‌ کۆبوونه‌وه‌دایه‌

كۆبوونه‌وه‌ی نێچیرڤان بارزانی سه‌رۆكی هه‌رێمی كوردستان له‌گه‌ڵ وه‌زاره‌تی پێشمه‌رگه‌ و فه‌رمانده‌ سه‌ربازییه‌كان ده‌ستی پێكرد.
كه‌مێك پێش ئێستا كۆبوونه‌وه‌ی نێچیرڤان بارزانی سه‌رۆكی هه‌رێمی كوردستان به‌ئاماده‌بوونی جێگرانی سه‌رۆك له‌گه‌ڵ وه‌زاره‌تی پێشمه‌رگه‌ و فه‌رمانده‌ سه‌ربازییه‌كان ده‌ستی پێكرد.
په‌یامنێری كوردستان تیڤی رایگه‌یاند: له‌ ئێستادا  كۆبوونه‌وه‌كه‌ ده‌ستی پێكردووه‌ و تاوتوێی دۆخی پێشمه‌رگه‌ و ڕه‌وشی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم و هه‌ڕه‌شه‌كانی داعش و هێرشه‌كانیان بۆ سه‌ر پێشمه‌رگه‌ ده‌كرێت.
بڕیاره‌ دوای كۆبوونه‌وه‌كه‌ نێچیرڤان بارزانی سه‌رۆكی هه‌رێمی كوردستان بۆ میدیاكان قسه‌ بكات.