ئهڤرو سپێدێ 6/12/2021 ل گوندێ پیرومهرا ول ژێر چاڤدێریا د.على تهتهر پارێزگارێ دهۆكێ وب ئامادهبوونا بهرێزان عمر على تهها رێڤهبهرێ گشتى یێ پهروهردێ ل پارێزگههێ ونونهرێ لقێ ئێك وچهند بهرپرسێن حزبى وئیدارى وسهرمایدار وخهلكێ گوندێ پیرومهرا قوتابخانهكا شهش رێزى ل گوندێ ناڤبرى هاته ڤهكرن .
پارێزگارێ دهۆكێ ویێن دگهلدا گهریانهك لناڤ پولێن قوتابخانێ كر وژنێزیك سهحكره بهرههڤیا وێ بو پروسا خاندنێ .
خێر خاز (نزار مستهفا پیرومهرى )خودانێ كومپانیا ماكس میدیا دپهیڤهكێدا گوت: من بفهر دیت ئهز ڤێ قوتابخانێ وهكو ئهركهك ل سهر حسابا كومپانیا خو ئاڤاكهم وئهڤه خزمهتهكا بچیكه بو قوتابیێن گوندێ خو پێشكێشدكهم وخواست خێرخاز وسهرمایدار چاڤ لێ بكهن ڤان كارێن خێرخازى ئهنجامدهن.
ههروهسا رێڤهبهرێ گشتى یێ پهروهردێ دپهیڤهكێدا سوپاسیا خێر خاز نزار مستهفا كر بو ئاڤاكرنا قوتابخانا گوندێ پیرومهرا وپیروزباهیا خهلكێ گوندى كر وخواست خودان شیان چاڤ ل كاك نزار مستهفاى بكهن وهاریكاریا حكومهتا ههرێمێ بكهن ڤان جوره پرۆژا ئاڤاكهن.
ههر بڤێ ههلكهفتێ پارێزگارێ دهۆكێ پهیڤهك پێشكێشكر وپیروزباهیا خهلكێ گوندێ پیرومهرا كر كو گوندێ وان ب رهنگهكێ جوان هاتیه ئاڤاكرن ههروهسا پشتى 30 ساڵا بو ئێكهم جار قوتابخانهك ژلایێ خێرخازهكێ گوندى دهێته ئاڤاكرن وگوت: ئهم دهستخوشیێ ل كاك نزارى دكهین كو ئهڤ دهستپێشخهریه كریه وقوتابخانهكا ب رێك وپێك ئاڤاكریه ژبو پێشئێخستنا بارێ پهروهدێ وزانین وزانستێ.
ههروهسا گوت: هیڤدارین نمونێن وهكو كاك نزارى ژسهرمایدار وخێر خازا پتر ههبن وڤان جوره پرۆژێن خزمهتكارى ئهنجامدهن وهاریكاریا حكومهتا ههرێما كوردستانێ ومللهتێ خو بكهن وب ههڤرا ڤى وهڵاتى ئاڤهدانكهین.
پاش ب شێوهكێ فهرمى قوتابخانه هاته رادهستكرن بو رێڤهبهریا پهروهردا رۆژههلات ل باژێرێ دهۆكێ.
ههژى گوتنێ یه قوتابخانه ل سهر روبهرێ دوو هزار متران هاتیه ئاڤاكرن ژ شهش پولا وژورێن كارگێرى پێك دهێت قوتابخانه ژلایێ كومپانیا ماكس میدیا یا خودانێ وێ نزار مستهفا پیرومهرى بكوژمێ (200) ملیون دینارا هاتیه ئاڤاكرن.
کۆمێنت (0)
تا ئێستا هیچ کۆمێنتێک نەکراوە.