ب ئامادهبونا جێگرێ پارێزگارێ دهوكێ سهنتهرێ دهۆك یێ تایبهتمهند ب پشتهڤانیا كچ و ئافرهتان د چارچوڤێ وان ١٦ روژێن هاتینه راگههاندن بو بهرهنگاربونا توندوتیژیێ دژی ئافرهتان چهلاكیهك ئهنجامدا.
ئهڤرو ل رێكهفتی ٢٠٢١/١٢/٧ روژا سێشهمبی ب ئامادهبونا بهرێز " شمعون شلیمون ایشو " جێگرێ پارێزگارێ دهوكێ و د. "ئهڤرا سیاب" رێڤهبهرێ گشتیێ ساخلهمیا پارێزگههێ و ماموستا گهلاڤ رێڤهبهرا سهنتهرێ ناڤبری و ژمارهكا بهرپرسێن سازیێن حكومی و لایهنێن سیاسی ل سهنتهرێ دهۆك یێ تایبهتمهند ب پشتهڤانیا كچ و ئافرهتان د چارچوڤێ وان ١٦ روژێن هاتینه راگههاندن بو بهرهنگاربونا توندو تیژیێ دژی ژنان چهلاكیهك ئهنجامدا و تێدا پێشانگهههكا شێوهكاری هاته ڤهكرن
كو تابلویێن وێ ژلایێ چهند كچ و ئافرهتانی رزگاربویێن دهستێن داعش هاتبونه نهخشاندن
پشتی گهریانا لناڤ پێشانگههێ ،كچهكه رزگاربوی بهحسا وێ زورداریێ و توندوتیژیئ كر ئهوا تیرورستێن داعش لدژی وێ ئهنجامدای پاش سوپاسیا سهنتهری كر بو پشتهڤانیاوان د ههمی بواراندا
دوڤدا رێڤهبهرا سهنتهری دادیاركرن تا نها پتر ژ ١٤٠٠ كچ و ئافرهت ژدهستێن تیرورستێن داعش رزگاربوینه و پرانیا وان سهرهدانا سهنتهری كریه و ئهم شیاینه ب پالشتیا حكومهتا ههرێما كوردستانێ و ئیدارا پارێزگههێ و ساخلهمیا پارێزگههێ و نوشدارێن تایبهتمهند ب نهخوشیێن دهرونی تا رادهكێ زور باش چارهسهریا وان بكهین
پاش جێگرێ پارێزگاری بناڤێ بهرێز پارێزگارێ دهوكێ دهستخوشی ل سهنتهری و رێڤهبهریا گشیا ساخلهمیێ كر و دادیاركرن ئێك ژ گرنگترین پشتهڤانی و هاریكاری بو كچ و ژنێن رزگاربوی پشتهڤانی و هاریكاریا دهرونیه بوڤێ یهكێ ژی دووباره دهستخوشی ل تیمێن سهنتهری كر.
ئا- كامران
دهۆک پێشانگهیهکی شێوهکاری کرایهوه
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.