مستەفا کازمی،سەرۆکوەزیرانی عێراق و شازادە محەمەد بن سەلمان، جێنێش و جێگری سەرۆکوەزیرانی سعوودیە، پەیوەندییەکی تەلەفۆنییان ئەنجام دا.
نووسینگەی راگەیاندنی سەرۆکوەزیرانی عێراق بڵاوی کردەوە، مستەفا کازمی پەیوەندییەکی تەلەفۆنیی لە محەمەد بن سەلمان پێگەیشتووە.
بەگوێرەی راگەیەندراوەکه لە میانی پەیوەندییە تەلەفۆنییەکەدا، محەمەد بن سەلمان پیرۆزبایی لە مستەفا کازمی کردووە بەبۆنەی سەدەمین ساڵیادی دامەزراندنی دەوڵەتی عێراق.
لە میانی پەیوەندییە تەلەفۆنییەکەدا، هەردوولا هەروەها باسیان لە پەیوەندییە دووقۆڵییەکانی نێوان هەردوو وڵات و هەنگاوەکانی هاریکاری هاوبەش و پشتیوانی و گەشەپێدان بەجۆرێک کە لە بەرژەوەندیی گەلانی هەردوو وڵاتی برادا بێت، کردووە.
کۆمێنت (0)
تا ئێستا هیچ کۆمێنتێک نەکراوە.