برێت مەکگۆرک،رێکخەری ئەنجوومەنی ئاسایشی نەتەوەیی ئەمریکا بۆ کاروباری رۆژهەڵاتی ناوەڕاست و باکووری ئەفریقا، لە میانی سەردانە دوو رۆژەکەیدا بۆ عێراق جەختی لەوە کردەوە کە سەربازانی ئەمریکا لە عێراق لە دۆخی رووبەڕووبوونەوەدا نین.
ئەمیلی هۆرن،گوتەبێژی ئەنجوومەنی ئاسایشی نەتەوەیی ئەمریکا، لەو بارەیەوە راگەیەندراوێکی بڵاوکردووەتەوە و تیایدا ئەوەی خستووەتەڕوو کە سەردانە دوو رۆژییەکەی برێت مەکگۆرک بۆ عێراق کۆتایی هاتووە.
برێت مەکگۆرک ئەوەی دووپات کردووتەوە کە جۆ بایدن، سەرۆکی ئەمریکا، پابەندە بە ئەنجامەکانی کۆبوونەوەی "گفتوگۆی ستراتیجیی لەگەڵ عێراق" و چیتر هێزەکانی ئەمریکا لە عێراق لە دۆخی رووبەڕووبوونەوەدا نین.
رێکخەری ئەنجوومەنی ئاسایشی نەتەوەیی ئەمریکا بۆ کاروباری رۆژهەڵاتی ناوەڕاست و باکووری ئەفریقا، ئەوەشی وەبیرهێناوەتەوە کە ئەمریکا لەسەر داوای حکوومەتی بەغدا، بەردەوام دەبێت لە مانەوەی لە عێراق.
کۆمێنت (0)
تا ئێستا هیچ کۆمێنتێک نەکراوە.