پۆلیسی سلێمانی: له‌سه‌ر دۆسیه‌کى کوشتن تۆمه‌تبارێک ده‌ستگیرکرا

پۆلیسی سلێمانی رایگه‌یاند: له‌سه‌ر دۆسیه‌یه‌كى كوشتن ، مه‌فره‌زه‌كانى بنكه‌ى پۆلیسى سه‌را و به‌شى پۆلیسى ڕێكارى تۆمه‌تبارێكیان ده‌ستگیركرد كه‌ له‌ شارى كه‌ركوكه‌وه‌ فه‌رمانى گرتنى هه‌بووه‌. 
ئه‌مڕۆ چوارشه‌ممه‌ 15 ى 12 ى 2021 ، له‌ راگه‌یاندراوێكدا، به‌رێوه‌به‌رایه‌تی پۆلیسی پارێزگای سلێمانی بڵاویكرده‌وه‌، دواى ئه‌وه‌ى دۆسیه‌یه‌كى تاوانى كوشتن له‌ پارێزگاى كه‌ركوكه‌وه‌ گه‌یشته‌ پۆلیسى سلێمانى كه‌ گومانیان ده‌كرد تۆمه‌تبارێك به‌ره‌و شارى سلێمانى هه‌ڵاتبێت ، ده‌ستبه‌جێ  به‌ڕێوه‌به‌رى پۆلیسى پارێزگاى سلێمانى هه‌ردوو بنكه‌ى پۆلیسى سه‌راو به‌شى پۆلیسى رێكارى راسپارد كه‌ لێكۆڵینه‌وه‌ى خێرا بكه‌ن بۆ دۆزینه‌وه‌و ده‌ستگیركردنى تۆمه‌تبار .
پۆلیس ئاماژه‌ بۆ ئه‌وه‌شده‌كات: دواى وه‌رگرتنى بڕیارى  دادوه‌ر و لێكۆڵینه‌وه‌كان توانرا تۆمه‌تبار بدۆزرێته‌وه‌و ده‌ستگیربكرێت .
پۆلیسی سلێمانی راشیده‌گه‌ێنێت: له‌ئێستادا تۆمه‌تبار (ف ، م ، س ) به‌بڕیارى  داوه‌رو به‌پێى مادده‌ى 406 له‌یاساى سزادانى عیراقى ڕاگیراوه‌و لێكۆڵینه‌وه‌ له‌گه‌ڵى به‌رده‌وامه‌و دواى ته‌واوكردنى ڕێكاره‌یاساییه‌كان ڕه‌وانه‌ى پۆلیسى كه‌ركوك ده‌كرێته‌وه‌.