هونه‌رمه‌ندی دیاری شاری هه‌ولێر عه‌زیز سه‌لام کۆچی دوایی کرد

ئه‌مڕۆ چوارشه‌م هونه‌رمه‌ندی دیاری شاری هه‌ولێر (عه‌زیز سه‌لام) كۆچی دوایی كرد.

ئومێد خۆشناو پارێزگاری هه‌ولێر به‌هۆی كۆچی دوایی ئه‌م هونه‌رمه‌نده به‌یاننامه‌یه‌كی بڵاو كرده‌وه‌ و تێیدا سه‌ره‌خۆشی له‌ كه‌سوكار و دۆستان و هه‌وادارانی هونه‌رمه‌ندی كۆچكردوو عه‌زیز سه‌لام كرد.

پارێزگاری هه‌ولێر ڕایگه‌یاند: به‌ دڵگرانییه‌كی زۆره‌وه‌ هه‌واڵی كۆچی دوایی هونەرمەندی شارەکەمان (عەزیز سەلام)مان پێگەیشت.

ڕاشیگه‌یاند: عەزیز سەلامی جوانەمەرگ جگە لەوەی هونەرمەندێکی بە ئەزموون و دیاری هەولێر بوو، خاوەنی تایبەتمەندی و خاسێت و سەلیقەیەکی هونەری جوان و بەرزی موزیک و گۆرانی بوو، بەداخەوە لەدەستدانی خەسارەتێکی گەورەیە لەناوەندی هونەر و مۆسیقای کوردی.

هه‌روه‌ها ڕایگه‌یاند: بەم بۆنە خەمناکەوە، پرسه‌ و سه‌ره‌خۆشی خۆمان ئاڕاسته‌ی کەسوکار و دۆستان و هەوادارانی ده‌كه‌ین و خۆمان به‌هاوبه‌شی خه‌میان ده‌زانین.

له‌ كۆتاییدا پارێزگاری هه‌ولێر ڕایگه‌یاند كه‌ له‌ خودای گه‌وره‌ داواكارین کۆچکردوو بە بەهەشتی بەرين شاد بکات و سەبر و ئارامی ببەخشێتە كه‌سوكاری و ئەمە دوا کۆست و ناخۆشيیان بێت.