لە کۆبوونەوەیەکی هاوبەشدا بەدواداچوون بۆ ڕەوشی خزمەتگوزارییەکانی سنووری پارێزگەی دهۆک کرا و جەختیش لە پەرەپێدانی پرۆژەکان و سێکتەرەکانی شارسازی و كەرتی وەبەرهێنان و گەشتوگوزار و پیشەسازی و سەوزایی کرایەوە.
ئەمڕۆ چوارشەم لە شاری دهۆک، ساسان عەونی وەزیری شارەوانی وگەشتوگوزار و دکتۆر محەمەد شوکری سەرۆکی دەستەی وەبەرهێنان و دکتۆر عەلی تەتەر پارێزگاری دهۆک کۆبوونەوە و بەشێک لە فەرمانگە پەیوەندارەکانی سنوورەکەش بەشداربوون.
لەمیانەی ئەو کۆبوونەوە هاوبەشەدا چەندین تەوەری تایبەت بە خزمەتگوزاریی سنووری پارێزگای دهۆک تاوتوێ کران، لەوانە بەدواداچوون بۆ ڕەوشی خزمەتگوزاری و چۆنیەتی بەرزکردنەوەی ئاستی خزمەتگوزارییەکان.
هاوکات جەختیش لە پەرەپێدانی سێکتەرەکانی شارەوانی، وەبەرهێنان، ئاو و ئاوەڕۆ، گەشتوگوزار و شوێنەوار، پیشەسازی و شارسازی، سەوزایی و چەند بوارێکی دیکە کرایەوە.
کۆمێنت (0)
تا ئێستا هیچ کۆمێنتێک نەکراوە.