سوپای عێراق رایگەیاند، تا ئێستا بەڕێژەی 80 لەسەدای، کارەکانی دروستکردنی بەربەستی ئەمنی لەسەر سنوور لەگەڵ سووریا تەواوبوون.
لیوا یەحیا رەسول،طوتەبێژی فەرماندەی گشتیی ھێزە چەکدارەکانی عێراق، لە لێدوانێکی رۆژنامەوانییدا ئاماژەی بەوەداوە کە کارەکان بۆ دروستکردنی بەربەستی ئەمنی لەسەر سنوور لەگەڵ سووریا بەردەوامە و گوتی: "تا ئێستا بەڕێژەی 80 لەسەدای کارەکان تەواوبوون".
لیوا یەحیا رەسوڵ ئاماژەی بەوەداوە کە بەم زووانە کارەکانی دروستکردنی بەربەرستی ئەمنی لەسەر سنوور لەگەڵ سووریا تەواودەبن کە پێکھاتووە لە لێدانی خەندەق، دانانی تاوەری چاودێری، کامیرای چاودێری شەوانە و تەلبەند، ئەوەیش بە ئامانجی بەرگرتن لە دزەکردنی تیرۆریستان بۆ نێو خاکی عێراق.
لە مانگی تشرینی یەکەمی رابردوو سوپای عێراق رایگەیاندبوو کە بەربەستێکی ئەمنی لەسەر سنوور لەگەڵ سووریا دروست دەکەن.
کۆمێنت (0)
تا ئێستا هیچ کۆمێنتێک نەکراوە.