ئه‌مڕۆ یه‌که‌م ڕۆژی وه‌رزی زستانه‌

كه‌شناسیی هه‌رێم ده‌ڵێت، ئه‌مڕۆ 21-12-2021  سێشه‌ممه‌ ئێواره‌ كه‌ی"وه‌رگه‌ڕانی زستانه‌" ڕووده‌دات، وه‌رزی زستان ‏له‌ نیوه‌گۆی باكووری زه‌وی، به‌ هه‌رێمی كوردستانیشه‌وه‌، ده‌ستپێده‌كات.‏
ئه‌ژی چه‌تۆ حه‌سه‌ن، به‌رپرسی به‌شی ڕاگه‌یاندن له‌ به‌ڕێوه‌به‌رایه‌تیی كه‌شناسی و ‏بومه‌له‌رزه‌زانیی هه‌رێم له‌ ڕاگه‌یه‌ندراوێكدا ئاماژه‌ی به‌وه‌كردووه‌، ئه‌مڕۆ سێشه‌ممه‌، یه‌كه‌م ‏ڕۆژی وه‌رزی زستانه‌ له‌ هه‌رێمی كوردستان و نیوه‌گۆی باكووری زه‌وی، به‌پێی لێكدانه‌وه‌ ‏فه‌له‌كییه‌كان كاتژمێر 7:00ی ئێواره‌ به‌كاتی هه‌ولێر، دیارده‌ی وه‌رگه‌ڕانی زستانه‌ ‏‏(‏Winter‏ ‏Solstice‏) ڕووده‌دات، واته‌ یه‌كه‌م ڕۆژی وه‌رزی زستان له‌ نیوه‌گۆی باكووری ‏هه‌ساره‌كه‌مان ده‌ستپێده‌كات.‏
ئه‌ژی چه‌تۆ قسه‌ی له‌باره‌ی شه‌وی یه‌ڵداش كردووه‌، كه‌ درێژترین شه‌وی ساڵه‌،راگه‌یاند " ماوه‌كه‌ی ‏ده‌گاته‌ 14 كاتژمێر و 7 خوله‌ك، ماوه‌ی ڕۆژیش كورتترین تۆمار ده‌كات، كه‌ ده‌گاته‌ 9 ‏كاتژمێر و 53 خوله‌ك، ماوه‌ی وه‌رزی زستانیش به‌ گشتی 88 ڕۆژ و 23 كاتژمێر و 34 ‏خوله‌ك ده‌بێت".
ئا- كامران